ഗാന്ധിജിക്ക് ഹൃദയപൂര്‍വം ;-
ഞങ്ങളുടെ മുത്തച്ഛന്‍
(കുട്ടിക്കവിത)
ഞങ്ങള്‍ക്കുണ്ടൊരു മുത്തച്ഛന്‍
'ഇമ്മിണി' നല്ലൊരു മുത്തച്ഛന്‍
വാത്സല്യപ്പൂ പുഞ്ചിരി തൂകി
തേന്‍മൊഴി തൂകും മുത്തച്ഛന്‍ !
സത്യമഹിംസാ സത് വൃത്തികള്‍തന്‍
സാരമിയന്നൊരു മുത്തച്ഛന്‍
ധൈര്യത്തിന്‍ പുതു ഗാഥകള്‍ തിര്‍ക്കാന്‍
നമ്മോടോതിയ മുത്തച്ഛന്‍!
വര്‍ഗം, ജാതി , മത വിദ്വേഷം
മതിയെന്നോതിയ മുത്തച്ഛന്‍
സ്നേഹം തന്നെ ദൈവമതെന്ന്‌
ചൊല്ലിത്തന്നൊരു മുത്തച്ഛന്‍ !
ബൈബിള്‍ , ഖുറാന്‍ ,ഗീതയിതെല്ലാം
ജീവനിലാക്കിയ മുത്തച്ഛന്‍
സോദരരെ നാം ഇന്ത്യക്കാര്‍ക്ക്
ജീവനു സമനാം മുത്തച്ഛന്‍ !
പി. രമേശ്‌
No comments:
Post a Comment